منتديات بيت الفضائيات
اهلا بيك فى منتديات الفضائيات انت غير مسجل فتفضل بتسجيل الدخول

Post نصائح لـ المحجبات لعمل "لفات طرح" ماحصلتش

اذهب الى الأسفل

Post نصائح لـ المحجبات لعمل "لفات طرح" ماحصلتش

مُساهمة من طرف lamia في السبت مايو 29, 2010 7:37 am

اكيد اكتر حاجة بتزعل البنات المحجبات انهم يحسوا انهم مش( style ) مع ان ده مش صح .. والبشاير تقدم لقرائها مجموعة نصائح ليكونوا فى ابهى صورة وآخر شياكة وكمان style


اولا : خامات الطرح

لازم تهتمي انك تعرفي ان لكل فصل من فصول السنة خامة ، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهي موضة جدا السنة دي، أما الأورجانزا والتول والشيفون فممكن نلبسهم أكثر السهرات والسواريه.


ثانيا: اشكال الطرح

الألوان المتداخلة مازالت موضة والطرح المنقطة و اللي فيها كور موجودة بكثرة وكمان المقلمة..والموضة السنة دى هي الطرح الساتان ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كورأحمر وأسود وفيه لمعة فضي أو ذهبي ولون رصاصي وفيه لمعة فضي وكمان

معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.



ثالثا: لفات الطرح لاخفاء عيوب الوجه

طيب ازاي؟


شوفي لو مثلا البنت وجهها طويل........... يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض.

وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر.


طيب لو بنت وجهها مدوّر؟........يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع.


والوجه المربع أو المستطيل؟.....الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية

والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.

والوجه البيضاوي؟.....معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.

طيب صاحبة الأنف الكبير تعمل إيه؟؟........صاحبة الأنف الكبير بيكون عندها مشكلة في الحجاب لأن أنفها ظاهر وواضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها .. فتحاول إنها تلبس طرحة منفوشة شوية أو تضع إكسسوار أو
تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها.

لو الشفايف كبيرة نعمل إيه؟.......نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان.


رابعا: البنات ولفات الطرح المناسبة للجامعة

ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانزا.


وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش
يبقى لازم الطرحة تبقى سادة.

وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة.


avatar
lamia
عضو جديد
عضو جديد

عدد المساهمات : 30
تاريخ التسجيل : 25/05/2010
العمر : 28
الموقع : http://homeofsat.montadarabi.com

http://homeofsat.montadarabi.com

الرجوع الى أعلى الصفحة اذهب الى الأسفل

رد: Post نصائح لـ المحجبات لعمل "لفات طرح" ماحصلتش

مُساهمة من طرف الراجيه عفو الله في الأحد يونيو 06, 2010 5:22 pm

يسلمو حبيبتي على موطوعك الجميل بس لو تلاقي فيديوهات تبين لينا خطوات نعمل بيها الطرحة بكون ممنونة ليكي وربنا يجازيكي كل خيييييير
avatar
الراجيه عفو الله
المدير العام
المدير العام

عدد المساهمات : 177
تاريخ التسجيل : 15/05/2010
العمر : 31

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى